У дзіцячым яслях-садзе № 15 прайшла інсцэніроўка сямейна-абрадавага свята ўраджаю "Багач", у якім прынялі ўдзел выхаванцы ўстановы дашкольнай адукацыі і іх педагогі.

Арганізатары мерапрыемства пастараліся ўзнавіць старажытнае беларускае жыллё пры дапамозе дэкарацый і традыцыйных рэчаў, такіх як ручнікі і абрусы з арнаментамі, плеценыя кошыкі і гліняны посуд.

Юныя артысты былі апранутыя ў нацыянальныя касцюмы, умела танцавалі, вадзілі карагоды, спявалі, сыпалі прыказкамі і прымаўкамі, гралі на лыжках, трашчотках, цымбалах, бубне і нават на чыгунках.

Усё было, як у сапраўдным абрадзе: рабяты віталі вянком "гаспадыню Талаку", апошні сноп з поля перавязалі чырвонай стужкай, перадалі вянок гаспадару дома, частавалі гасцей духмяным караваем, варажылі на яйках. У фінальнай песні ўдзельнікі пажадалі адзін аднаму і гасцям шчасця, багацця, добрага ўраджаю.

Дарэчы, традыцыя інсцэніраваць старажытныя святы і абрады з'явілася тут даўно, бо, як лічаць педагогі, такім чынам яны знаёмяць дзяцей з сімвалічнай беларускай культурай, узбагачаюць іх унутраны свет, пашыраюць веды аб сваіх каранях.

Валянціна ЕРМАКОВА, мама адной з выхаванак.

Чтобы быть в курсе событий, регистрируйтесь в наших группах: 

Наша группа в социальной сети "ВКонтакте" - "С новым днём, Жлобин!

Наша группа в социальной сети "Одноклассники" - "С новым днём, Жлобин!" 

Читайте ndsmi.by в "Одноклассниках"

Читайте ndsmi.by в "Контакте"

Читайте ndsmi.by в "Фейсбуке"

Читайте ndsmi.by в "twitter"   

Наш канал на YouTube

Наш канал в Telegram