У Стараруднянскай СШ Жлобінскага раёна ўрачыста адкрылі адноўлены музей вёскі. У мерапрыемстве прынялі ўдзел актыў раённай арганізацыі ветэранаў, кіраўніцтва Стараруднянскага сельсавета.

Тут зроблены стэнды, якія асвятляюць гісторыю вёскі Старая Рудня ў перыяды рэвалюцыйных падзей 1917 года, калектывізацыі, Вялікай Айчыннай вайны, аднаўлення народнай гаспадаркі ў пасляваенны час, гады незалежнасці. У музеі таксама расказваец18 мая – Міжнародны дзень музееў Міхаіл КАСЮКОЎ: «Зроблена вялікая справа» ца пра землякоў воінаўінтэрнацыяналістаў, побыт вяскоўцаў. Адведзена месца і знакамітым ураджэнцам вёскі, сярод якіх – архіепіскап Васіль (Лужынскі), член Петраградскага ваенна-рэвалюцыйнага камітэта, галоўны камісар Смольнага Міхаіл Прыгароўскі, доктар біялагічных навук Мацвей Данілаў, іншыя.

– У нашым музеі сабрана шмат матэрыялаў пра перыяд Вялікай Айчыннай вайны, – кажа дырэктар школы Наталля Балянкова, – пра землякоў, якія змагаліся з ворагам у падполлі, партызанскіх атрадах і на фронце. Сярод іх – ганаровы грамадзянін Жлобінскага раёна, беларускі пісьменнік Аляксандр Капусцін, Герой Сацыялістычнай Працы Міхаіл Маршын, які пасля вайны паспяхова кіраваў мясцовым калгасам, былы дырэктар нашай школы, заслужаны настаўнік БССР Іван Марціновіч. Віднае месца адведзена і легендарнаму камандзіру 63-га стралковага корпуса генерал-лейтэнанту Леаніду Пятроўскаму. Воіны пад яго камандаваннем летам 1941 года здзейснілі паспяховы контрудар, у выніку якога на месяц былі вызвалены ад ворага Жлобін і Рагачоў. Сам камандзір загінуў. Сёння яго астанкі пахаваны ў брацкай магіле ў Старой Рудні.

Сваімі ўражаннямі падзяліўся старшыня Жлобінскага райсавета ветэранаў Міхаіл Касюкоў:

– Зроблена вялікая справа, якая будзе садзейнічаць патрыятычнаму выхаванню моладзі, захаванню гістарычнай праўды.

Мікалай ШУКАНАЎ.

Фота аўтара.

Читайте ndsmi.by в социальных сетях: "ВКонтакте" , "Одноклассники", "Фейсбук", instagram, twitter, Telegram, YouTube