НД
Новы
дзень
Жлобинская
районная газета
rubeen

9 лютага Прэзідэнт краіны Аляксандр Лукашэнка на ўрачыстай цырымоніі ўручэння дзяржаўных узнагарод лепшым работнікам аграрнай галіны рэспублікі заявіў аб тым, што бягучы год вырашана аб’явіць Годам малой радзімы. Што для кожнага з нас азначае само паняцце «малая радзіма»? Аб гэтым хацелася б сёння паразважаць. Для ўсіх нас малая радзіма – гэта месца, дзе мы нарадзіліся, дзе прайшлі гады нашага дзяцінства і юнацтва. Хтосьці застаўся жыць і працаваць у роднай вёсачцы, пасёлку ці горадзе. А многіх лёс закінуў у іншы куток Беларусі, а то і далей – у блізкае ці далёкае замежжа. У такіх выпадках малой радзімай для нашых землякоў стала ўся Жлобіншчына, Гомельшчына і наогул Беларусь.

 

Зараз самы час успомніць аб сваіх каранях, аб месцы, дзе назаўсёды засталася часцінка нашай душы. І не проста ўспомніць, а аддаць даніну павагі гэтаму кавалачку зямлі, па меры сваіх магчымасцей пасадзейнічаць яго адраджэнню і працвітанню. На гэты конт Аляксандр Рыгоравіч Лукашэнка зазначыў: «Вельмі хочацца, каб дапамога ішла ад сэрца, стала ўласнай ініцыятывай. Яна можа быць матэрыяльнай, стваральнай, асветнай, творчай – хто як можа...»

Многія з нашых землякоў ужо даўно займаюцца такой патрыятычнай справай, прыгожыя лозунгі і словы падмацоўваюць канкрэтнымі дабрачыннымі справамі. Аб гэтым мы будзем расказваць на старонках раёнкі. Але звычайна сапраўдныя патрыёты сваёй малой радзімы – людзі сціплыя, яны самі пра сябе казаць не любяць. Таму звяртаемся з просьбай да нашых чытачоў: падказвайце нам імёны і адрасы землякоў, якія не забываюць сваю малую бацькаўшчыну, пастаянна падтрымліваюць сувязь з роднымі мясцінамі, суперажываюць поспехам землякоў, дапамагаюць ім вырашыць нейкае жыццёва важнае пытанне.

Мікалай ШУКАНАЎ.

Этот адрес электронной почты защищен от спам-ботов. У вас должен быть включен JavaScript для просмотра.

Чтобы быть в курсе событий, регистрируйтесь в наших группах: 

Наша группа в социальной сети "ВКонтакте" - "С новым днём, Жлобин!

Наша группа в социальной сети "Одноклассники" - "С новым днём, Жлобин!" 

Читайте ndsmi.by в "Одноклассниках"

Читайте ndsmi.by в "Контакте"

Читайте ndsmi.by в "Фейсбуке"

Читайте ndsmi.by в "twitter

Наш канал на YouTube