78 гадоў таму, 22 чэрвеня 1941 года, фашысцкая Германія вераломна, без аб’яўлення вайны, напала на Савецкі Саюз. Ужо 27 чэрвеня варожыя бомбы былі скінуты на Жлобін.

Нямецкія бамбардзіроўшчыкі цэлілі ў аб’екты мясцовага чыгуначнага вузла. Таму першай іх ахвярай стаў менавіта чыгуначнік – Іван Гайдук. Моцную паветраную атаку вытрымала ў той дзень паравознае (сёння – лакаматыўнае) дэпо, якое мела асабліва важнае стратэгічнае значэнне.

– Ад паравозаў у многім залежала мабільнасць фронту, – падкрэслівае старшыня ветэранскай арганізацыі дэпо, кіраўнік пакоя працоўнай і баявой славы прадпрыемства Сяргей Сухоцкі. – Таму амаль усе работнікі нашага дэпо прынялі ўдзел у Вялікай Айчыннай вайне. Адны на паравозах дастаўлялі на фронт грузы, іншыя змагаліся з ворагам непасрэдна на перадавой. Многія загінулі. Гэта – машыністы-інструктары Ілья Сіманенка, Н.М. Сяліцкі, Н.П. Байдакоў, качагар Ф. Кісялёў, рабочы Ф. Пашкоўскі, іншыя.

У пакоі працоўнай і баявой славы дэпо мужным чыгуначнікам-франтавікам адведзена шмат месца. Як паведаміў Сяргей Сухоцкі, напярэдадні розных дат і падзей, звязаных з вайной, тут праходзяць экскурсіі, якія можна назваць своеасаблівымі ўрокамі мужнасці для моладзі, якая на прыкладзе старшага пакалення вучыцца любіць сваю Радзіму, паважаць подзвіг, які здзейснілі іх дзядулі і бабулі.

– Пра кожнага з нашых чыгуначнікаў – удзельнікаў вайны – можна расказаць не адну гісторыю, – працягвае Сяргей Сухоцкі. – Напрыклад, машыніст Андрэй Сямёнавіч Андрухоў – удзельнік абароны Сталінграда і штурму Берліна і машыніст Валянцін Сямёнавіч Мартынаў, які ваяваў на Далёкім Усходзе з мілітарысцкай Японіяй, 24 чэрвеня 1945 года прайшлі па Краснай плошчы ў Маскве ў калоне ўдзельнікаў гістарычнага Парада Перамогі. А машыніст Ніна Данілаўна Парашчанка ў дзень вызвалення Жлобіна, 26 чэрвеня 1944 года, услед за наступаючымі часцямі Чырвонай Арміі даставіла ў горад, які быў яшчэ ў агні, важны груз.

Мікалай ШУКАНАЎ.

На здымку: напярэдадні памятнай даты моладзь душой дакранулася да гістарычнага мінулага свайго прадпрыемства; экскурсію праводзіць Сяргей Сухоцкі.

Фота Мікалая СЕМЯНЦА.

Чтобы быть в курсе событий, регистрируйтесь в наших группах: 

Наша группа в социальной сети "ВКонтакте" - "С новым днём, Жлобин!

Наша группа в социальной сети "Одноклассники" - "С новым днём, Жлобин!" 

Читайте ndsmi.by в "Одноклассниках"

Читайте ndsmi.by в "Контакте"

Читайте ndsmi.by в "Фейсбуке"

Читайте ndsmi.by в "twitter"   

Наш канал на YouTube